आला आला श्रावण
रंग घेऊनीया आला
धरतीले हिरवा
शालू नेसवून दिला !
नटविलं अभायाले
रंगा-रंगाच्या छटांनी
उधळून सप्तरंग
इंद्रधनू सजविला !
धरनिच्या कपारीले
फुटे पाझर पाझर
असं निर्मळ झऱ्याचं
दान देऊनीया गेला!
मना-मनात उल्हास
महादेव जागविला
बैल पोळ्याच्या सणाले
नंदी राजा सजविला !
असा खोळेल श्रावण
मधुगंधी साठला
अशा श्रावणी ग बाई
बंधुराया गं भेटला !
– मोक्षदा विजय बेलखेडे
मूर्तिजापूर (अकोला)