चिमण्या पाखरांनो…!
अजूनही तुमच्यावर
अन्याय, अत्याचार होत असेल
तर-
घरट्यात लपून न राहता
तुम्हीही शिकावं
वैऱ्याशी दोन हात करण्याचं धाडस
‘काय म्हणालात’?
आमच्याजवळ शस्त्र नाहीत!
तुम्हाला शस्त्राची काय गरज
तुमच्या घरट्याची ‘एक काडी’
‘अण्वस्त्रा’सारखं शस्त्र बनू शकते.
पण-
त्यासाठी तुम्हाला
प्रज्ञासूर्याची शपथ घ्यावी लागेल
संघटित होऊन संघर्ष करण्याची.
सुभाष पुं. डहाणे
माळसेलू (वाशिम)
अप्रतिम उपमा.
धन्यवाद